Во време кога сè се пребарува на Google, прашањето не е дали ти треба веб страна, туку колку подобра ќе биде од онаа на твојата конкуренција.. Веб страната не е само „онлајн брошура“ – таа е твој дигитален излог, место каде клиентите те запознаваат, ја градат довербата и донесуваат одлука дали ќе купат од тебе.
Ајде да видиме кои се 10-те најважни причини зошто секој бизнис, без разлика на големината, мора да има сопствена веб страница.
1. Веб страната е твојата дигитална визит-карта
Секој бизнис мора да има лице пред клиентите. Веб страната е првата точка за контакт и првиот впечаток што ќе го оставите. Ако не постоите онлајн, за многумина едноставно не постоите воопшто.
2. Доверба и кредибилитет
Луѓето имаат поголема доверба во бизниси со веб страна. Таа покажува дека сте сериозни, транспарентни и подготвени за долгорочна работа. Веб страната е доказ дека зад брендот стои вистинска компанија, а не нешто минливо.
3. Отворени 24/7
За разлика од физичка продавница, веб страната работи 24 часа, 7 дена во неделата. Клиентите можат да се информираат, да купат или да ве контактираат во било кое време. Тоа е дополнителен приход без дополнителен трошок.
4. Подобра комуникација со клиенти
Веб страната не е само место за информации. Таа може да вклучува контакт форма, чат, често поставувани прашања, па дури и блог. Со тоа градиш комуникација и им олеснуваш на клиентите да најдат одговор без да мора да те бараат телефонски.
5. Контрола врз брендот
Социјалните мрежи се одлични, но таму си ограничен од правилата на платформата. Веб страната е целосно твоја. На неа можеш да ја градиш твојата приказна, твојот визуелен идентитет и да креираш искуство по твоја мерка, надвор од граници и прописи.
6. SEO – така ќе те најдат на Google
Кога некој бара производ или услуга, најчесто прво пребарува на Google. Веб страната ти овозможува да се појавиш пред нивните очи токму во моментот кога имаат потреба. Со добра SEO оптимизација, веб страницата станува генератор на нови клиенти.
7. Продажба онлајн
Е-commerce е во огромен раст. Дури и да имаш физичка продавница, веб страната ти овозможува дополнителен канал за продажба. Со тоа стигнуваш до клиенти надвор од твојата локација. ури многу често и надвор од државата со добра организација и логистика..
8. Анализа и податоци
Една од најголемите предности на веб страната е тоа што можеш да мериш се во детали. Преку алатки како Google Analytics гледаш колку луѓе ја посетуваат страната, од каде доаѓаат, што најмногу ги интересира, која секција е најпосетувана итн… Со дополнителни алатки како Hotjar можеш да вршиш ултра детални анализи како: колку време и во кое подрачје најмногу клиентите се задржуваат на конкретната секција, каде кликаат најмногу и колку време поминуваат анализирајќи ја секцијата. Најинтересното е тоа што генерира снимки од секој посетител па можете гледајќи ги да направите детална анализа пратејќи го нивното движење и интеракција. Ова ви помага да носите паметни одлуки за иднината на бизнисот.
9. Конкурентска предност
Ако твојата конкуренција има веб страна, а ти немаш – губиш клиенти. Ако твојата веб страна е подобра, побрза и појасна, тогаш добиваш предност. Веб страната е поле каде секојдневно се води битка за внимание и доверба.
10. Долгорочна инвестиција
Да изградите веб страна е инвестиција, а не трошок. Еднаш направена и правилно одржувана, таа ќе ви служи со години, ќе носи нови клиенти и ќе го зголемува профитот. Квалитетна веб страница, не е трошок, туку најдобриот продавач кој работи 24/7/365 дена во годината.
Заклучок
Веб страната е неопходност, а не луксуз. Таа е темелот на секој сериозен бизнис и алатка без која не може да се замисли раст во денешно време.
Со веб страна добиваш доверба, постојана видливост, нови клиенти и стабилен канал за продажба.
Ако сè уште се двоумиш дали ти е потребна – запомни: клиентите веќе те бараат онлајн. Прашањето е само дали ќе те најдат или ќе отидат кај конкуренцијата.
