Нарачајте интернет продавница

Naracajte internet prodavnica, Нарачајте интернет продавница

Со рапидниот раст на популарноста на интернетот и технолошкиот напредок, значително е олеснето купувањето на вашиот омилен производ или услуга онлајн, бидејќи тоа можете да го направите преку вашиот компјутер или мобилен телефон. Онлајн кориснниците преку своите лап-топ компјутери, таблети, па дури и мобилни телефони можат да направат повеќе работи, вклучувајќи и купување па дури и продажба на производи преку Интернет. Сумирано, луѓето во денешно време навистина лесно можат да водат сопствен бизнис преку својот лаптоп, мобилен телефон итн…

8 причини зошто треба да имате веб-продавница

Со брзиот раст на онлајн пазарот, тука го поставуваме прашањето, зашто вие да немате сопствена онлајн продавница преку која ќе генерирате профит? Погледнете ги овие 8 причини зашто треба да имате сопствена веб продавница.

 

1. Огромен пазар


Веб-продавницата ќе ви даде можност да допрете и да ги понудите вашите производи и услуги на најразлични клиенти ширум светот, без оглед на растојанието и временската зона. Вашата веб страница работи 24 часа на ден, 7 дена во неделата и доколку дозволите ние да ја искреираме, ќе добиете квалитетна веб страница, SEO оптимизирана, респонзивна, ултра брза и со преубав изглед. Таа ќе ви биде највредниот продавач.

 

2. Проширете го својот бренд

Можете да ја диверзифицирате вашата палета на производи за да ја зголемите продажбата на нематеријални/виртуелни производи како Е-книги, албуми, песни, филмови итн, кои можат да се продаваат во вашата онлајн продавница како виртуелни производи.

 

3. Повисока стапка на конверзија

Веб продавница води до повисока стапка на конверзија. Што значи ова? Поголема е веројатноста потенцијалните купувачи да купат производ или услуга онлајн каде што веднаш ќе можат да ја направат својата нарачка одколку да чекаат ред или отварање на некоја продавница.

Sekakvi tipovi na Veb Stranici, Секакви типови на Веб Страници

4. SEO Оптимизација на вашата веб страница

Со добра SEO оптимизација, вашата веб-страница ќе се појавува меѓу првите резултати на пребарувачите како Google кога некој ќе пребара клучен збој кој го содржи вашата веб – продавница. Исто така препорачливо е да ги користите социјалните мрежи како што се Фејсбук и Твитер за градење на доверба меѓу вашите клиенти преку критики, рејтинзи, коментари итн… Исто така потребно е постојано да ги информирате вашите клиенти преку редовни објави за вашите производи, понуди, попусти итн…Преку овие начини можете значително да ја зголемите бројката на посети на вашата веб-продавница.

 

5. Конфор зона

Се повеќе и повеќе интернет корисниците ја ценат удобноста на онлајн шопингот, наместо да трошат часови и часови во потрага по физички продавници, луѓето сега купуваат преку интернет додека се дома или во движење. Не секогаш временските услови ни дозволуваат да излеземе и да прошетаме до некоја продавница бидејќи некогаш врне дожд, снег, некогаш е жешко, ладно итн…Едноставно ваквиот тип на купување ни овозможува кога и да посакаме и од каде и да посакаме да купиме некој продукт или услуга кои ни се допаѓаат.

 

6. Помалку тековни трошоци


Без сомнение, многу поевтино и полесно можете да ги продавате вашите производи и услуги онлајн на вашата веб страница заразлика од тоа да имате физичка продавница за која ќе треба да плаќате сметки, кирија, вработени итн…На овој начин можете да си дозволите да имате пониски цени заразлика од вашата конкуренција, а тоа е огромен плус.

 

7. Помалку ризик

Онлајн продавница ви овозможува да генерирате профит но со значително помал ризик заразлика од физичката продавница. Онлајн продавницата има значително помалку трошоци од физичка продавница, полесна е за менаџирање и не сносува никаков ризик околу крадење или оштетување на роба.

 

8. Првиот впечаток е најважен

Вашите потенцијални купувачи моментално донесуваат одлука дали ќе купат нешто на вашата страница или не. Доколку им се допаѓа естетски како изгледа вашата страница, доколку им изгледа безбедна, доколку има квалитетен опис на производите кои ги продавате и доколку имате наведено која е вашата политика во врска со испораката на производите, тогаш верувајте дека потенцијалните купувачи постои огромна шанса да се претворат во ваши редовни купувачи. Од огромна важност е да употребувате квалитетни слики за преставување на вашите производи, бидејќи секогаш првиот впечаток е најважен.

Naracajte veb stranica, Нарачајте веб страница

Ние нудиме модерни, утлра брзи, SEO оптимизирани, безбедни и респонзивни Веб-Продавници кои се во состојба да ви донесат огромен профит. Контактирајте не на следниот линк. Веб страници.

 

Какви веб страници нудиме?

Kakvi Veb Stranici Nudime, Какви Веб Страници Нудиме

Интернетот е огромен. Во моментов постојат милиони активни веб страници и сите се натпреваруваат за одреден дел од вниманието кое онлајн корисниците го пружаат секојдневно. Кога почнувате бизнис и сакате нова веб-страница, можеби не е најпаметно да размислувате за големата слика, за огромната конкуренција на пазарот. Она што ви е најбитно е да имате подобра Веб Страница од онаа на вашата конкуренција. Веб страница која ќе генерира клиенти за вас.

Има многу различни типови на веб страници и треба навистина добро да размислите пред да ангажирате компанија која ќе ги го гради вашиот веб-сајт. Не грижете се, ние сме тука за вас.  Ви прилог ќе ви прикажеме 10 типови на веб страници, сите се уникатни и сите можат да ви донесат профит, во зависност од начинот на кој ѓи употребувате.


1. Онлајн продавница


Е-трговија или онлајн веб продавница е веб страница на која луѓето можат директно да купуваат производи од вас. Веројатно веќе сте користеле голем број на интернет продавници како што е Aliexpress, и претпоставуваме дека знаете на кој начин функционираат. Одкако ќе добиете готова веб продавница начинот  на кој функционира е следен: Поставувате производи за продажба на вашата веб страница, цена за истите, во која категорија спаѓаат, опис и толку е вашата работа. Потоа одкако некој од вашите корисници ќе купи одреден производ, во зависност каква е политиката на веб страницата, или вие ќе треба да го доставите производот, или они треба да го подигнат од некоја претходно договорена локација.

Бидејќи во Македонија немаме PayPal, начинот на кој ќе ви легнуваат средствата е малку поразличен. Првично ќе треба да имате регистрирано компанија на која ќе легнуваат средствата од продадените производи. Исто така потребно е да се направи договор со некоја од Македонските банки (Комерцијална банка, Стопанска банка итн…) Одкако ќе се направат сите потребни тестови од нивна страна со вашата веб страница и доколку е се во ред, ви даваат зелено светло за онлајн продажба.

 

2. Бизнис веб-страница


Бизнис веб-страница е секоја веб-страница која е наменета за претставување на одреден бизнис. Веб страницата потребно е да го има истиот визуелен идентитет како вашиот бизнис (за веќе постоечките клиенти да препознаат дека позади таа веб страница стои вашата компанија) и да се пренесат услугите или продуктите кои ги нуди вашата компанија.

Дефинитивно секој бизнис потребно е да има веб страница. Тоа го очекуваат вашите клиенти. Компанија која нема веб страница онлајн корисниците можат да претпостават дека е несериозна, а тоа е веќе изгубен потенцијален клиент. Разберете го следново: Веб страница е вашиот најдобар продавач. Веб страницата продава и кога вие сте зафатени, кога спиете, кога јадете итн.. Веб страницата е тука за вашиот бизнис 24/7 и доколку е квалитетна, и одлично оптимизирана, ќе се изненадите од приходите кои ќе ви ги донесе.

 

3. Забавни Веб Страници


Огромен дел од интернет корисниците преферираат интернетот да го користат за забавни цели. Посетуваат најчесто забавни веб страници како што се: Мотика, Кајгана, Точка итн…
Повеќето од овие веб-страници генерираат профит преку објавување на реклами на нивните веб страници. Рекламирање на приватни бизниси, Google Adsense банери итн…

Доколку сакате да започнете забавен веб-сајт, имате навистина голем избор на различни забавни категории. Можете да правите смешни или информативни видеа, да пишувате забавни блог статии итн… Внимавајте доколку превземате статии, видеа или слики од други веб страници, тоа да го направите стриктно со нивна дозвола и да напишете извор на крајот на вашата статија.

 

4. Портфолио Веб-страници

Портфолио Веб страници служат за прикажување на своите претходно изработени проекти, дела, претходни работи позиции итн…Ваквиот тип на веб страници всушност претставуваат ваше лично портфолио кое можете да го покажете на вашите клиенти, доколку сте во потрага по работа, можете да го покажете кај работодавците итн.  Овој тип на веб страници всушност најчесто се употребуваат од страна на креативни професионалци, хонорарци, фриленсери бидејќи во секое време можат да ги прикажат своите вештини и способности кај нивните клиенти.

Sekakvi tipovi na Veb Stranici, Секакви типови на Веб Страници

 

5. Веб страници за вести

Медиумските веб-сајтови се информативни веб страници за моменталната состојба во општеството, државата и целиот свет. Тука можете да ги пронајдете најпопуларните вести во врска со општеството, технологијата, политиката итн… Овој тип има одредени преклопувања со веб-страниците за забава, но поголемиот дел од медиумските веб-страници покрај забава имаат и многу други посериозни категории.

Генерирањето профит на овие веб страници е исто како и на забавните веб сајтови, преку поставување на реклами на самиот сајт. Ваквиот тип на веб страници се одлична прилика за да ги информирате онлајн корисниците со корисни и интересни вести, а они за возврат ќе ве наградат со нивното присуство на вашата веб страница. Доколку задржите континуитет со објавување на релевантни вести, верувајте ни дека за многу брзо време ќе имате лојална публика која редовно ќе ја посетува вашата веб страница.

 

6. Веб-страница Брошура


Ваквите веб страници се поедноставена форма на деловните веб-страници. Овој тип на веб страници се за бизниси кои се свесни дека дека им е потребно онлајн присуство, но не сакаат да инвестираат многу во веб страница. Ваквиот тип на веб-сајтови е сочинет од само неколку страници кои ги објаснуваат основите на она што го работите, некоја слика од вашиот продукт/услуга и контакт страница.

Ваквите веб-сајтови можеа многу често да се сретнат во минатото, но сега кога корисниците се толку широко распространети на интернетот, навистина многу поретко можеме да сретнеме вакви веб страници.

 

7. Непрофитна веб-страница


Без разлика дали имате потреба од профит, веб страниците се неопходна алатка без која буквално не се може во денешницата. Непрофитните организации имаат потреба од веб сајт преку кој ќе можат да ги собираат потребните донации, и каде што луѓето ќе можат да прочитаат за самата организација и да одлучат дали сакаат да ја подржат.

Доколку имате потреба или размислувате да отворите непрофитна организација, тогаш изградбата на веб-страница за вашата организација е клучен чекор во докажувањето на вашиот легитимитет и достигнувањето до повеќе луѓе. Можете да го користите за промоција на проектите кои ги изработила вашата организација, да ги поттикнуваат следбениците да преземат акција, односно да донираат доколку им се допаѓа некој проект или некоја цел за која би сакале да се заложат.

 

8. Едукативна веб-страница


Веб-страниците на образовните институции и оние кои нудат онлајн курсеви спаѓаат во категорија на образовни веб-страници. Овие веб-страници имаат примарна цел да обезбедат едукативни материјали за посетителите. Некои од начините за генерирање профит преку ваква веб страница е поставувањето на реклами како и кај забавните и медиумските веб страници. Доколку решите да имате курсеви на вашата едукативна веб страница можете да ги продавате или пак да продавате месечна/годишна претплата за премиум пристап до материјалите.

 

9. Лична веб-страница

Не се сите веб страници направени за да генерираат профит. Многу од луѓето наоѓаат вредност во создавањето на лични веб-страници за да ги споделат своите креации, дела, песни, текстови со останатиот дел од светот. Во оваа категорија спаѓаат личните блогови, веб страници со мотивациони видеа, веб страници со фотографии итн… Понекогаш се случува овие веб-страници да се испопуларизираат до степен каде што би можеле да почнат да заработуваат солидно, секако доколку сопственикот на веб страницата се согласи на оваа промена.

Навистина важно за овие веб страници е да имаат примамлив изглед, естетски да изгледаат убаво и да имаат интеграција со социјални медиуми. На овој начин веб страницата може да ја дознаат многу повеќе луѓе. Доколку веб страницата е одлично оптимизирана (SEO) посетеноста може да се зголеми многу повеќе.

 

10. Веб портал

Веб порталите се често веб-страници дизајнирани за одредени внатрешни цели во бизнисот, организацијата или институцијата. Тие собираат информации во различни формати од различни извори на едно место за да ги направат сите релевантни информации повеќе пристапни за луѓето на кои им се потребни. На овие веб сајтови често пати се вградува систем за логирање на корисници каде што ќе можат да внесат одредени информации или свои лични ставови.

Веб порталите генерално се покомплексни веб страници за креирање и потребни се искусни веб дизајнери за да направат ваков веб сајт без грешки при функционирањето.

Naracajte veb stranica, Нарачајте веб страница

Каква веб страница ви е потребна?

Првиот чекор кој ќе треба да го направите е да дефинирате каква веб страница ви е потребна. Потоа можеме заедно да решиме како сакате да изгледа, бои, текст, елементи, функционалности кои би сакале да ги има вградено итн…Закажете изградба на Веб Страница, а ние ќе се погрижиме да добиете веб страница која ќе изгледа модерно, ќе биде ултра брза, одлично SEO оптимизирана, целосно респонзивна и што е најважно, ќе генерира профит. Можете да не контактирате тука: Креирање на веб страници.

 

Креираме ултра квалитетни Веб Страници

Ultra kvalitetni Veb Stranici, Ултра квалитетни Веб Страници

Како да добиете ултра квалитетна веб-страница која ќе генерира профит за вашиот бизнис? Кои карактеристики треба вашата веб страница да ги исполни? Всушност постојат 9 главни карактеристики кои треба вашата веб страница да ги содржи.


1. Бидете чекор пред вашата конкуренција

Многу компании нудат веб страници изработени на брз начин (3-7 дена), но всушност 90% од веб страниците кои ги нудат генерално делат ист код. Всушност сите веб страници кои ги продаваат на клиентите се исти меѓусебно, со минимални измени. Различни логоа, слики, бои, содржина и по некој различен графички елемент.  Таквите веб страници бидејќи ги има премногу и не се воопшто квалитетни, верувајте ни дека нема да ви ги испорачаат посакуваните резултати.

Верувајте дека е најдобро да имате веб страница која значително ќе се разликува од онаа на вашите конкуренти. Која ќе биде подобра, побрза, ќе има уникатен изглед и ќе биде одлично оптимизирана.  Вашите конкуренти нема да можат да се натпреваруваат со вас.

 

2. Веб страница за вашиот бизнис

Најдобро решение е да имате веб страница која ќе биде изработена буквално од нула и ќе биде внимателно изработена само за вашата компанија или бизнис. Тогаш ќе имате персонализиран веб-сајт токму за вашите потреби. Потребна ви е веб страница која ќе има неверојатен изглед кој ќе кореспондира со вашиот бренд, а верувајте ни дека клиентите тоа навистина знаат да го ценат. Најдобрата платформа за повеќето веб страници е Ворпрес. Има неверојатно лесен CMS (контролна табла) за користење и одржување на веб страницата.

 

3. Едноставна навигација

Високо квалитетните веб страници можеби ви звучат комплексно, но тие се наједноставни за користење. Тие всушност имаат многу едноставна навигација преку која секој ќе може да се снајде на веб страницата. Тоа е суштината на една веб страница. Да ги понуди сите услуги на правилен начин, но сепак да може лесно да се пристапи до истите. Веб страница која има прекрасен изглед, квалитетна содржина, одлична брзина и едноставна навигација може да се каже дека е осудена на успех.

 

4. Веб страница со силна архитектура

Архитектурата на вашата веб-страница е многу битна. Квалитетна веб страница нема непотребни количини на код кои ја успоруваат и водат понекогаш до непотребни грешки. Веб страница која има минимизиран и среден код овозможува беспрекорно користење и неверојатна брзина која е клучна за зголемување на посетеноста на веб страницата.

Sekakvi tipovi na Veb Stranici, Секакви типови на Веб Страници

5. Многу простор за вашата содржина

Веројатно ја имате слушнато фразата “Содржината е Крал на SEO”. Тоа се однесува на содржина на веб страница. Тука се вклучени блог постови, статии, слики, видеа и графики. Од суштинско значење е да имате доволно простор за сите содржини што ви се потребни на вашата веб-страница. Ова не значи поголем број на страници на вашиот веб-сајт, туку повеќе простор за содржини на самите страници. Она што е најбитно е веб страницата да биде во совршена комбинација помеѓу функционалностите (навигација, среден код, архитектура, простор за содржина) и графиката. Од огромна важност е веб страницата да биде визуелно привлечна и модерна, бидејќи првиот впечаток кај вашиот посетител е најважен.

 

6. Функционалност по желба

Вашиот бизнис е уникатен, а тоа значи дека и вашиот веб-сајт треба да биде уникатен. Доколку ви е потребно вашата веб страница да има одредена специфична функционалност (контакт форми, калкулатори, форми за закажување на посети, регистрирање на корисници итн…) ние без никаков проблем ќе ги искреираме. Ваше е само да бидете концизни и да ни кажете точно што сакате, а за останатото не грижете се.

 

7. SEO подготвена Веб страница


Професионалните компании за Веб Дизајн знаат дека SEO оптимизацијата е еден од најважните сегменти кога се гради една веб страница. Ова значи дека при креирање постојано треба да се внимава секој елемент да биде правилно оптимизиран. Токму од ова зависи колкав ќе биде бројот на вашите органски посети на веб страницата. Ова всушност значи дека вашата веб страница ќе има значително поголеми шанси да биде пронајдена на Гугл одкако некој корисник ќе пребара некој клучен збој кој го содржи вашата веб страница. На кратко кажано, вашата веб страница ќе генерира значително повеќе клиенти за вас. А од квалитетот на веб страницата зависи дали тие клиенти ќе се решат да купат некоја услуга или производ од вас.

 

8. Респонзивен дизајн

Еден од главните проблеми со повеќето веб страници во денешницата е не-компатибилноста со различните уреди (таблети, телефони, лаптопи) , па дури и паметни часовници. Дозволете да ви искреираме веб-страница која ќе изгледа одлично буквално на сите уреди, бидејќи не сакаме корисниците да си заминат од вашата веб страница поради не доволно голема прегледност или пак да не можат да се снајдат барајќи некоја услуга.

 

9. Колку е важен дизајнот?

Убедливо еден од најважните сегменти кај една веб страница е дизајнот. Да почнеме од вас, дали ќе имате исто мислење за една компанија кога ќе дојдете на нивната веб страница и таа изгледа ужасно, старомодно и е нефункционална или пак компанија која има одлична и модерна веб страница со прекрасен распоред, убави бои и целосно функционална? Дефинитивно нема да ги ставите тие 2 компании на исто скалило и доколку би морале да бирате, би ја избрале компанијата со подобра веб страница. Така функционира психологијата на најголемиот дел од интернет корисниците. Затоа не квалитетна веб страница може да биде убиец на вашиот бизнис.

Naracajte veb stranica, Нарачајте веб страница

Графички дизајн – Се што изработуваме

Se sto izrabotuvame - Graficki dizajn, Се што изработуваме - Графички дизајн

Нудиме чисти, јасни и уникатни дизајни за печатење или за дигитална употреба за вашиот бизнис. Без разлика дали сте заинтересирани за изработка на професионално лого, маркетинг брошури, каталози, визит картички, дизајн на цели книги, ние ккако професионални и квалификувани Графички Дизајнери сме тука да ја искреираме вашата визија.

Погледнете ја листата и детално разгледајте што се нудиме:

Што се изработуваме?

  • Логоа
  • Дизајн на пакување
  • Брошури
  • Каталози
  • Постери
  • Флаери
  • Банери
  • Ценовници
  • Визит карти
  • Дипломи, сертификати и пофалници
  • Дизајнирање на книги
  • Пликоа
  • Мокапи
  • Репарираме оштетени слики
  • Манипулација со слики од секаков карактер
  • Ретуширање на модели и модни детали

Детален опис за некои од набројаните услуги:


Лого дизајн

Најпрепознатливиот  дел од вашиот бизнис е вашето лого. Логото кое ќе го преставува вашиот бизнис треба да биде уникатно, и треба да изгледа соодветно за вашиот бренд. Во прашање се повеќе фактори. Боите, фонтовите, темата, графичките елементи… Сите тие сегменти треба да бидат совршено усогласени за вашето лого да изгледа прекрасно и професионално.

Не грижете се, нашиот тим е способен одлично да ги разбере вашите барања и да искреира лого кое ќе го оживее вашиот бренд. Погледнете повеќе: Лого дизајн

 

Дизајн на пакување

Дизајнот на вашиот производ е од енормна важност и навистина треба да ви биде важно дали изгледа луксузно и естетски привлечно или пак изгледа секојдневно и сиромашно. Сепак сите ние мораме да признаеме дека првичните одлуки ги носиме врз основа на надворешниот изглед на некој производ. Доколку производот изгледа модерно, тренди и луксузно, тогаш верувајте дека купувачите нема да можат да му одолеат. Контактирајте не и закажете дизајн за вашето пакување.

 

Дизајнирање на Флаери

Одсекогаш флаерите биле употребувани за промоција на одредени услуги или продукти. Всушност преставуваат еден вид на информативна алатка која може значително да ја зголеми продажбата на вашата компанија. За успешно да ја зголеми продажбата на вашата компанија, флаерите мораат да бидат модерни, и внимателно и суптилно да ги убеди потрошувачите за квалитетот на вашите продукти или услуги. Нарачајте флаери во Арт Дизајн Студио преку ќе го подобриме вашиот бренд и профитот на вашиот бизнис.

 

Дизајн на Е- Брошура

Електронските брошури се исти како и обичните брошури (хард-копи), единствената разлика е тоа што не се држат во рака, тие се електронски и може да се пристапи до нив преку компјутер или мобилен телефон. Тие најчесто се во ПДФ формат. Обичните брошури се составени од текст и слики и предноста им е тоа што потрошувачите можат кога и да посакаат да ги земат во рака и да прочитаат за вашата компанија и нејзините услуги. Е-брошурите содржат текст, слики но дополнително може да содржат аудио и видео записи, плус можете да ги испратите кај вашите клиенти во некоја друга земја или град, во секое време, поради тоа што се во дигитален формат.

Доколку барате иновативен начин за продажба на вашите услуги или производи, ова е одлична идеја за вас. Всушност ние можеме да ви помогнеме тука најдобро. Нарачајте електронска брошура и изненадете се од дизајнот кој ќе го искреираме за вас.

 

Printani i Digitalni dizajni za vasiot biznis, Принтани и Дигитални дизајни за вашиот бизнис

 

Дизајн на каталог

Кога имате огромна палета со производи за рекламирање и продажба, потребна ви е ефективна маркетинг алатка. На вас всушност ви е потребен каталог кој ќе биде преставник на вашиот бренд за вашата постоечка или потенцијална публика. Каталогот потребно е да изгледа атрактивно, модерно и луксузно за да остави одличен впечаток кај вашите потрошувачи. Ние ќе се погрижиме за овој дел. Нарачајте каталог кој нема да ги остави вашите потрошувачи рамнодушни.

Дизајн на постер 

Постерите се одличен начин за визуелно да ја пренесете вашата порака. Постерите од секогаш биле во тренд кога станува збор за офлајн маркетингот. Ова е одличен начин да ги запознаете потрошувачите со вашиот бренд и да ги натерате да ги разгледаат вашите услуги и продукти. Нашите графички дизајнери се способни да искреираат плакати и постери кои ќе го одвлечат вниманието на вашите потенцијални клиенти без разлика дали се работи за ширење на вашата порака, промоција на производи и услуги или пак за најавување на некој настан. Контактирајте не и закажете тука. Плакати и постери.

 

Дизајн на банер

Банерот може да биде во дигитална форма или пак можете да го испечатите, во зависност од вашите потреби. Дигиталните банери во принцип се употребуваат за рекламирање на вашиот бизнис на некоја веб страница, а печатените банери се употребуваат со иста цел но можете да ги поставите на сталак, да ги закачите на зид итн..Арт Дизајн Студио креира секаков вид на банери, без разлика дали се дигитални или печатени. Кликнете тука и нарачајте: Изработка на банери.

 

Дизајн на визит карти

Визит картите се употребувале од далечното минато па се до денес. Доколку вашите клиенти се задоволни од вашите услуги, тие сигурно ќе сакаат да земат визит картичка од вашата компанија. Не можеме да ви опишеме колку е битно дизајнот на визит картичката да ги остави вашите клиенти импресионирани. Дозволете ни да го направиме токму тоа. Дозволете ни да ви создадеме безвременски дизајн кој ќе остави неверојатен впечаток кај вашите клиенти.

 

Дизајнирање на книги

Кога сакате вашиот текст во дигитална форма да го преточите во книга, тогаш дефинитивно ќе ви биде потребна помош од професионални графички дизајнери. Потребно е да се обрне внимание на неколку сегменти. Изгледот на корицата на книгата е премногу битен. Корицата го создава првиот впечаток кај потенцијалните купувачи. Но не е само тоа. Типографијата и распореденоста на елементите низ целата книга исто така се многу битни детали и потребно е да изгледаат одлично, за читателот да нема никакви пречки додека ја чита вашата книга. Контактирајте не и дозволете ни да ја искреираме вашата книга од соништата.

 

Манипулација на слики

Манипулација на слики подразбира едитирање, корегирање па дури и целосно менување на одредена слика. Додавање на различна позадина, одстранување на личности, додавање на личности, одстранување на било каков предмет од слика, менување на глави на слика, додавање на коса, брада итн. Буквално се што можете да замислите, ние се способни да го искреираме за вас. Контактирајте не.

 

Репарирање на оштетени фотографии

Репарирањето на фотографии е процес каде што некоја оштетена фотографија треба да ја донесеме во состојба како никогаш да не била оштетена. Обично ваквите поправки се прават на стари фотографии кои се скенираат за да ги добиеме во дигитален формат, се поправаат/репарираат и потоа пак се печатат на фото хартија. Со овој процес, фотографијата ќе биде во состојба како никогаш да не била оштетена.

 

Izrabotuvame se vo oblasta na Graficki dizajn, Изработуваме се во областа на Графички Дизајн


Најдоброто за вашиот бизнис

Можеме да го подобриме вашиот бренд на безброј начини. Контактирајте не за да одлучиме што се од горе наведената листа е потребно за го оживееме вашиот бренд. Арт Дизајн Студио е секогаш тука за вас.

Израбоуваме 7 видови на логоа

Izrabotuvame 7 tipovi na logoa, Изработуваме 7 типови на логоа

Логоата се дел од секојдневниот живот. Ги гледате на вашиот фрижидер кога треба да направите појадок, на вашиот автомобил кога возите накај работа, на вашиот компјутер кога ќе седнете на вашата работна маса…

Кога е нешто толку широко употребувано и го гледате секојдневно, не обрнувате многу внимание. Но логоата (и нивниот дизајн) се всушност многу покомплексни отколку што повеќето луѓе разбираат.

Постојат седум видови на логоа. Секој вид има уникатни предности, па затоа вреди да одвоите време да размислите каков вид на лого ви е потребен пред да го нарачате вашиот дизајн. Вашиот дизајн можете да го нарачате тука: Графички дизајн. Сега ќе ги погледнете сите 7 видови на логоа за да можете да одлучите кое највеќе ќе ви одговара.

 

1. Амблеми

Амблемите се најстарата форма на лого, кои исто така се познати како печати. Луѓето ги користеле дури и од средниот век, ако не и порано.

Амблем е вид на лого кое вклучува текст во внатрешноста на симболот. Тоа е класичен изглед кој му дава на вашето лого традиционален квалитет. Затоа честопати ќе видите како ги користат училиштата и владините агенции. На овој начин зрачат со топлина и професионалност.

Амблемите често пати имаат повеќе детали, заразлика од другите видови на логоа. Меѓутоа ова не е правило. Логото на Харли Дејвидсон е многу едноставен концепт, со едноставен издолжен фонт.

Кога треба да изберете амблем?

  • Вашиот бренд треба да пренесе чувство на традиција, долговечност и професионалност.
  • Потребно ви е лого кое ќе зрачи со стабилност.

Кога треба да избегнете амблем?

  • Понекогаш големината на вашето лого ќе треба да се намали. Амблемите не изгледаат добро кога се со мала димензија и тешко можат да се прочитаат.

 

2. Логотипи

Исто така познат како “Wordmark” , логотип е вид на лого кое е изградено целосно од зборот или зборовите кои го сочинуваат името на компанијата. Во овој случај, главниот фокус е типографијата, очигледно. Ваквиот стил на лого силно го поврзува визуелниот идентитет на брендот со името на компанијата.

Поради ова, внимателно треба да се избере или создаде уникатен фонт. Формата, стилот и бојата на зборовите пренесуваат речиси исто толку значење колку што и самите зборови. Ова е уште поважно доколку името на вашата компанија е некој рандом збор, како и на многу компании во денешницата – Во оваа ситуација Google е најистакнат пример.

Логото на Google е влијателно, бидејќи фонтот е едноставен и елегантен – како и нивните производи, но е составено од многу бои. Различните бои претставуваат разновидност, разиграност, позитива и пријателски влијае кон корисниците. Во оваа ситуација боите одлично се вклопуваат со пристапот на Google. Google сака нивните производи да се користат глобално и да не ги заплашат новите корисници.

Кога треба да изберете логотип?

  • Вие сте нова компанија која сака своето има и својот бренд позитивно да го пласира меѓу потрошувачите.
  • Вашата компанија има кратко име кое нема да изгледа преголемо кога ќе го употребите како ваше официјално лого.
  • Логотипите помагаат да се зајакне врската помеѓу визуелната меморија и препознавањето на името на компанијата.

Кога треба да избегнете логотип?

  • Верувајте ни дека не сакате редовно да го менувате вашето лого. Фонтовите ги следат трендовите. Хелветика може да биде тренди овие денови, но за неколку години, вашето лого може да изгледа како да е креирано во 2000 година. Дури и Гугл и Кока Кола постојано ги менуваат своите логоа, и се во постојан тек со моменталните трендови.
  • Доколку името на вашата компанија е навистина долго.

 

3. Монограмски логоа

Монограмските логоа повеќе не се употребуваат само за крпи и пешкири. Важно е дали од иницијалите на името на вашата компанија може да се направи интересен збор, како што е “Minnesota Mining and Manufacturing”  (попознат како 3M). Речиси секогаш може да се направи интересна комбинација од иницијалите на некоја компанија. Само е потребно графичкиот дизајнер да биде креативен, сепак тоа е она што го работи најдобро. Доколку мислите дека од името на вашата компанија може да се направи монограмско лого, тогаш не размислувајте се воопшто.

Овој вид на лого го прави името на вашата компанија да се запамети полесно. Земето го HBO за пример. Сигурно името на овие телевизиски канали преферирате да ги изговарате HBO, наместо Home Box Office. Доколку сакате да постигнете ваков ефект кај вашите клиенти тогаш монограмско лого е идеално за вас.

Повторно, типографијата и фонтот се клучни кај овој вид. Многу познати брендови имаат ваков тип на лого (Луј Витон, Шанел, Гучи) и верувајте, веднаш ќе ги препознаете овие брендови одкако ќе ги видите нивните монограмски логоа.

Кога треба да изберете монограм?

  • Сакате да искреирате врска помеѓу вашето име и визуелниот идентитет на вашата компанија, но имате навистина долго име.
  • Вие сте во индустрија каде што користење на скратено име (иницијали) е вообичаен процес.

Кога треба да избегнете монограм?

  • Ти си нова компанија која сеуште не е многу позната на пазарот. Во овој случај сеуште можете да користите иницијали, но препорачливо е да го вклучите и вашето полно име во продолжение, се додека не стекнете одредена репутација.

 

4. Бренд лого

Ова е вид на лого во кое името на компанијата треба да е естетски искомбинирано со препознатлива слика/икона од вашата компанија. Сликата која ќе ја изберете за да биде во склоп со вашето лого, мора да биде икона/илустрација, за просечниот клиент кога ќе ја види да може да ја запамети и следниот пат да може лесно да го препознае вашиот бренд. Погледнете ги погоре ваквиот тип на логоа и искористете ги за пример според кој треба да се водите.

Размислете, логото на Старбакс најпрвин беше креирано како амблем, но сега е едноставен цртеж на сирена. За некој компании ваквиот тип на лого е предизвик и сакаат да бидат препознатливи на овој начин. Размислете внимателно дали овој вид на лого одговара на вашиот бренд и не двоумете да нарачате дизајн што ќе го подигне вашиот бренд на повисоко ниво.

Printani i Digitalni dizajni za vasiot biznis, Принтани и Дигитални дизајни за вашиот бизнис

Кога треба да изберете Бренд лого?

  • Ваквиот вид на лого е лесно впечатлив во очите на потрошувачите.
  • Сакате да создадете емоција на квалитетен бренд кој би бил лесно препознатлив и ќе го одсликува идентитетот на вашата компанија.

Кога може да избегнете Бренд лого?

  • Сакате да се изгледате како традиционална компанија со стандардно лого. Постои можност овој вид на лого несериозно да биде сватен од страна на потрошувачите, но ова не е правило.
  • Ваквиот тип на лого не одговара на било каква компанија.

 

5. Абстрактно лого

Овој тип на лого се користи кога сакате да искористите слика/фигура и не сакате да бидете ограничени околу неговото толкување. Можете да искреирате апстрактно лого кое ќе го натера корисникот да се размисли околу неговото значење. Ова може да биде тешка задача, бидејќи нема сите да го толкуваат логото на ист начин. Предноста со ваквиот тип на лого е тоа што ќе бидете уникатни.

Никој друг нема да има лого како вашето, а тоа е одлично бидејќи ќе бидете различни од сите останати. Земете го за пример логото на Најк: Тоа е брзо, динамично и дава чувство на движење и енергија. Не треба да го прочитате зборот Најк за да го препознаете брендот кој стои зад логото. И дури доколку не сте запознаени со брендот, одприлика веќе знаете дека логото зрачи со одредена динамика.

Кога треба да изберете апстрактно лого?

  • Потребно ви е модерно лого и сакате да искреирате одредена вибрација за вашиот бренд.
  • Сакате навистина уникатно лого.

Кога треба да избегнете апстрактно лого?

  • Уште немате искреирано идентитет за вашата компанија. Уште не знаете каква емоција сакате да им пренесете на вашите корисници.

 

6. Лого со маскота

Овој тип многу се разликува од другите типови на логоа и преставува илустрација на одредена личност (или, барем, антропоморфизиран карактер). Како човечки суштества, визуелно сме привлечени да гледаме друг човечки карактер (дури и ако е во прашање цртан лик). Логоата со маскота се многу флексибилни, бидејќи цртаните ликови употребени во логото можат да имаат различни изрази и репрезентации во зависност од контекстот. Ваквиот тип на логоа најчесто се користат кај спортските тимови, сервисни компании и брендови за храна, бидејќи на тој начин се зближуваат со потенцијалните поддржувачи и потрошувачи.

Кога треба да изберете лого со маскота?

  • Сакате вашиот бренд да им се допадне на семејните групи.
  • Вашиот бренд ќе биде забавен, пријателски и позитивно настроен.
  • Сакате флексибилно лого кое може да расте заедно со вашата компанија и да се користи на различни начини.

Кога треба да избегнете лого со маскота?

  • Вашето лого може да биде премногу пријателски настроено. Пријателски до тој степен што со тек на време ќе почне да емитира вибрација на несериозност.

 

7. Комбинирани логоа

Не морате да изберете само еден тип на лого. Можете да направите комбинација од повеќе типови (комбинација од горенаведените типови). Можете да искомбинирате лого со маскота и монограм во кое ќе вградите и сегменти од апстрактно лого. Размислете за логото на компанијата Dove – компанијата користи бренд лого (гулаб) во комбинација со текст со прекрасен фонт (Dove). Сите производи на Dove го носат ова лого.

Дали комбинираното лого е вистинскиот избор за вашиот бренд? Доколку сакате вашето лого да содржи некоја слика или икона, но чуствувате дека сакате да имате и вметнат текст со некоја кратка фраза, тогаш одговорот е ДА! Доколку сакате флексибилно лого кое може да се прилагоди во различни ситуации, повторно одговорот е да. Ние мислиме дека комбинираните логоа се одлична опција за новите брендови.

Кога треба да изберете комбинирани логоа?

    • Сакате да направите комбинација од повеќе типови.
    • Сакате лого кое може да се прилагоди на потребите за вашиот бизнис.

Кога треба да избегнете комбинирани логоа?

    • Вашиот бренд се базира на едноставност. Комбинираните логоа понекогаш можат да бидат повеќе сложени за употреба (за имплементирање на логото на визит карти, веб страница, каталози итн…)

Izrabotuvame se vo oblasta na Graficki dizajn, Изработуваме се во областа на Графички Дизајн

Имате потреба од Графички дизајн?

Нарачувањето на логото е еден од најзабавните делови за отпочнување на бизнис. Ослободете ја вашата креативност и кажете ни ја вашата желба. Нашиот тим потполно ќе ги разбере вашите потреби и ќе му даде живот на вашиот бренд! Нарачајте лого дизајн тука

 

 

Што е графички дизајн?

Sto e Graficki dizajn? Што е Графички Дизајн?

Што значи графички дизајн?

Повеќето од луѓето мислат дека знаат што преставува графичкиот дизајн. Билборди, логоа, списанија, видео игри, векторска графика итн… Но што преставува навистина? Тоа е професија, да, но ако копате малку подлабоко тогаш ќе сватите дека е навистина уметност – израз на естетика – за многумина. За оние кои преферираат да ја знаат точната дефиниција за графичкиот дизајн:

Дефиниција за графички дизајн

Графичкиот дизајн е уметност или професија на визуелна комуникација која ги комбинира сликите, зборовите и идеите за пренесување на информации до публиката, особено за да произведе одреден посакуван ефект. Со други зборови, графичкиот дизајн е комуникациски дизајн; Тоа е начин на пренесување идеи преку визуелизација и дизајн.

Но верувајте ни, графичкиот дизајн не е црно-бел концепт. За целосно разбирање на концептот на графички дизајн, важно е да имате солидно разбирање на елементите и принципите кои го сочинуваат дизајнот.

 

Елементи на графички дизајн

Дизајнерските елементи се основните единици на секој визуелен дизајн кои ја формираат структурата на дизајнот и ги пренесуваат своите визуелни пораки. Елементите на графичкиот дизајн се:

Линија – Најосновниот елемент на дизајнот. Линиите можат да бидат искривени, прави, дебели, тенки, дводимензионални, тридимензионални. – без оглед на тоа! Линијата е  елемент на дизајнот кој е дефиниран како точка што се движи низ просторот.

Форма – Обликот е дводимензионално дефинирана област создадена од линии. Различни видови на форми вклучуваат геометриски, апстрактни и органски форми и сите се основни елементи на дизајнот.

Боја – Бојата е еден елемент кој е особено важен за привлекување на внимание, бидејќи постои психологија која вели дека сите бои будат различни чувства и емоции. Постојат три главни карактеристики на бојата: нијанса (семејство на бојата), вредност (колку е светла или пак темна бојата), и сатурација (чистината на бојата).

Типографија – Типографијата е уметност на уредување на деловите кои што содржат текст. Ова е навистина важно бидејќи може многу да влијае на пораката на дизајнот. Различни фонтови, во комбинација со разновидна големина, бои и растојание, можат да додадат енергија на концептот преку која дизајнерот ќе успее да искомуницира.

Текстура – Текстурата во дизајнот се однесува на тоа работите да изгледаат како да можете да ги почуствувате кога би ги допреле на екранот.  На пример, текстурата може да биде груба, мазна, сјајна, мека, тврда, итн. Текстурата е уште еден елемент кој се користи за привлекување на внимание. Може да се додаде на други елементи како што се облици, бои, слики, итн.

Големина – Големината во дизајнот е едноставна. Големината во принцип се користи како показател на важност, а исто така може да се создаде визуелен интерес преку користење на спротивни големини.

Простор – Просторот се однесува на областите на дизајнот кои се оставени празни. Овие области вклучуваат било какво растојание помеѓу, околу, под, или над другите елементи на дизајнот. Дизајнерите намерно оставаат  простори во дизајнот за да нагласат одреден сегмент.

 

Принципи на графичкиот дизајн

Принципите на графичкиот дизајн сугерираат како дизајнерот треба најдобро да ги организира различните визуелни сегменти на дизајнот за да се осигура дека сите елементи се поврзани еден со друг. Принципите на дизајнот се составени од повеќе сегменти:

Баланс – Постигнување на визуелен баланс во графичкиот дизајн се постигнува со употреба на симетрија и асиметрија. Ова се постигнува со балансирање на дизајнот преку форми, линии и други елементи кои се распределуваат рамномерно. Па дури и ако двете страни на дизајнот не се исти, тие имаат слични елементи. Балансот е многу важен бидејќи обезбедува структурна стабилност на дизајнот.

Усогласување – Усогласувањето се користи за поврзување на целокупниот дизајн. Сите аспекти на дизајнот треба да бидат усогласени со врвот, дното и центарот на дизајнот за да се создаде визуелна врска помеѓу елементите.

Близината – Близината создава визуелна врска помеѓу елементите на дизајнот. Тоа го минимизира нередот, го прави дизајнот повеќе разбирлив и обезбедува фокусна точка за гледачите. Не мора да значи дека сличните елементи треба да се постават веднаш едни до други, но треба да бидат визуелно поврзани.

Повторување – Откако ќе изберете како ќе ги користите вашите елементи, повторете ги тие елементи и понатаму во проектот, за да воспоставите конзистентност во текот на целокупниот дизајн. Ова повторување ги поврзува индивидуалните елементи и го зајакнува дизајнот, притоа создава чувство на организирано движење.

Контраст – Употребувањето на контраст се користи за да се нагласат одредени аспекти на дизајнот. Контрастот ви овозможува да ги нагласите разликите помеѓу елементите и да ги потенцирате клучните елементи во вашиот дизајн кои сакате да ги издвоите.

 

Графички дизајн алатки

Графичкиот дизајн постојано еволуира со масовната дигитализација во светот во кој што живееме. Само поради тоа што овие процеси се менуваа со текот на годините, не значи дека дизајнерите сè уште не се служат со традиционални начини за работа, како што се моливот и хартијата.

Повеќето графички дизајнери користат хибриден процес кој ги вклучува традиционалните и дигиталните технологии. Обично дизајнерите го започнуваат процесот на дизајнирање со скицирање на одредени концепти со молив и лист хартија, па потоа кога ќе дојдат до одреден степен, се префрлуваат на компјутер, таблет или лаптоп и го прецртуваат веќе изработениот дизајн на напредни софтвери (Фотошоп, Илустратор, Корел, Скеч, итн).

Многу дизајнери започнуваат со дизајнирање директно на компјутер со нивниот омилен софтвер кој го користат. Овие дигитални алатки го зајакнаа креативниот процес на дизајнерите со тоа што им овозможија да истражат нови идеи и начини и значително го намалија потребното време за создавање на еден одличен дизајн.

 

Видови на графички дизајн

Со текот на времето, графичкиот дизајн стана прилично повеќеслоен. Севкупниот концепт е составен од различни сегменти во зависност од областа во која се употребува. Еве некои од најчестите типови на графички дизајн:

Корпоративен дизајн – Kорпоративниот дизајн има директна врска со визуелниот идентитет на една компанија. Сите визуелни елементи кои го сочинуваат идентитетот на брендот, како што се логото, одредени бои и сегменти и тие можат да се поврзат со корпоративниот дизајн. Овој тип на графички дизајн се користи во маркетингот за да се пренесат информации за брендот преку слики, форми и бои.

Printani i Digitalni dizajni za vasiot biznis, Принтани и Дигитални дизајни за вашиот бизнис

Маркетинг и рекламен дизајн – Најверојатно еден од најпознатите видови на графички дизајн. Кога повеќето луѓе мислат на графички дизајн, тие најверојатно размислуваат за маркетинг дизајн. Графика за на социјални медиуми, е-списанија, рекламни банери, билборди, брошури, каталози,  е-меил маркетинг темплејти, графика за маркетинг содржина, итн. – Сите овие примери премногу се употребуваат во маркетингот секојдневно.

Дизајн на публикации – Дизајн на публикации традиционално се однесува на печатени медиуми, но како што напоменавме, со постојана дигитализација на нашата генерација полека медиумите се сведоа на дигитално издаваштво. Дизајнерите на ваквиот тип на медиуми треба да бидат во тесна соработка со уредниците и издавачите за да обезбедат распоред, типографија и илустрации. Притоа се треба да биде усогласено со идентитетот на медиумот, за како краен резултат да се постигне одличен впечаток кај читателите. Примери за ваков вид на графички дизајн: книги, весници, е-билтени, списанија, магазини, брошури, итн.

Дизајн на животната средина – Овој тип на графички дизајн во најголем дел од случаевите се занемарува, барем во Македонија. Еко-графички дизајн е мудро употребување на визуелни елементи во околната средина за поврзување и подобрување на искуството на луѓето со тие места. Без разлика дали тоа ќе ги информира минувачите или пак ќе биде од естетски карактер. Архитектурата, патните знаци, графити (културни цртежи на одредени места, со претходна дозвола),  ѕидни мурали итн, се примери за дизајн на животната средина.

Дизајн на пакувањето – Кога ќе купите нов производ, најверојатно има некоја форма на пакување или визуелен елемент како етикета, налепница или пакување кое се користи за подготовка на производот за дистрибуција или продажба. Најбитно е дека овие дизајнери треба да ги знаат сите актуелните трендови на пазарот за да обезбедат креативен дизајн кој ќе ја зголеми продажбата.

Движечки дизајн – Значењето на овој вид на дизајн можете да го разберете по неговото име. Ова вклучува анимации, видео игри, некои апликации, гифови, анимации на веб страници итн. Ова е сè уште релативно нова област во графичкиот дизајн, бидејќи новите технолошки достигнувања им овозможија на дизајнерите да истражат нови правци.

Веб дизајн – Не може да се каже дека Веб дизајнот е еден вид на графички дизајн, но затоа може да се каже дека графичкиот дизајн е еден елемент на веб-дизајнот, па затоа вреди да се напомене. Веб-дизајнерите мораат да размислат како да искомбинираат различни елементи на дизајнот – како распоред, слики, типографија, облици и секаков вид на графика – Доколку сакаат да создадат модерна и современа веб страница. Но веб дизајнот и графичкиот дизајн се две сосема различни области.

Доколку имате потреба од помош во било која од овие области, секогаш сме тука за вас. Можете да не контактирате тука.

Пред неколку години, кога ќе се споменеше дизајн веднаш се знаеше на што асоцира – графички дизајн. Но со огромниот технолошки прогрес и забрзаната дигитализација оваа идеја малку се промени. Се воведоа различни видови на дизајн кои можат да бидат збунувачки за оние кои се надвор од дизајнерската индустрија. Да зборуваме за два вида на дизајн за кој веројатно имате слушнато, но не знаете со сигурност што значат: UX и UI дизајн.

 

UX дизајн

Што точно означува UX? UX дизајн (User Experience)  познат како кориснички дизајн, се заснова на подобрувањето на корисничкото искуство со одредени производи, предмети, апликации или пак одредени веб страници. Овој специфичен вид на дизајн се фокусира на структурата и логиката на елементите со кои корисниците комуницираат. UX дизајнерите постојано работат на подобрување на употребливоста на одреден производ, пристапноста и интеракцијата на корисниците со производот, со цел максимизирање на задоволството на корисниците. Ова се прави со вршење на темелни анализи на употребливоста одкако производот ќе излезе во јавност.

 

 UI дизајн

Што точно означува UI? UI дизајн (User Interface) Дизајн на кориснички изглед, или кориснички интерфејс, се однесува на интерактивните елементи на дизајнот. Овој вид на дизајн бара одлично разбирање на потребите на корисниците, бидејќи се фокусира на предвидување на тоа што корисниците би требало да направат на одредена апликација или пак веб страница, за тие опции да бидат современо имплементирани. Овие елементи вклучуваат работи како менија кои се спуштаат, копчиња, известувања, модерни графички елементи, итн. Во основа UI дизајнот ја проширува дефиницијата на графичкиот дизајн. Дизајните кои имаат било каква интерактивност спаѓаат под UI дизајн, дури и ако се тука вклучени статични слики.

Сега кога ги разјаснивме различните видови на графички дизајн, да разјасниме уште едно навистина важно прашање:

 

Што е графички дизајнер?

Да поедноставиме, графичките дизајнери се визуелни комуникатори и решавачи на проблеми.

Оваа дефиниција можеме да кажеме дека важи за сите видови на графички дизајн, бидејќи како што напоменавме, постојат огромен број на правци во графичкиот дизајн. Преку оваа дефиниција можеме да разбереме дека графичките дизајнери всушност треба да ја разберат психологијата на нивните целни клиенти, а одкако ќе го направат тоа, тогаш треба да го приспособат нивниот дизајн кон таа целна група. Тогаш можеме да кажеме дека дизајнот ќе успее да го одвлече нивното внимание или пак да искомуницира со нив.

Но да ги поедноставиме работите, доколку изберете да работите како графички дизајнер, вашите работни позиции би биле:

  • Работа во одредени индустрии како консултантски дизајнер
  • Брендирање на компании и агенции
  • Работна позиција како графички дизајнер во било која компанија
  • Работење од дома (Фриленсер графички дизајнер)

 

Агенциски графички дизајнер

Многу компании ангажираат агенции за графички дизајн за да се справат со нивните потреби. Значи доколку работите како агенциски графички дизајнер, ќе добивате креативен извештај од компаниите за одредени проекти за многу различни брендови. Ваквиот тип на графички дизајнер се очекува да биде вистински експерт за дизајн и да знае да ги преземе сите потребни работи во свои раце. Значи навистина треба да имате искуство и талент за да можете успешно да водите ваков вид на проекти. Често пати, ваквиот вид на графички дизајнери се специјализирани само во одредени области во графичкиот дизајн.

 

Внатрешен графички дизајнер

Во оваа ситуација вие сте вработен како графички дизајнер во одредена компанија и ваша цел е промоција и брендирање на истата Дали тоа ќе бидат нејзини производи, услуги не е важно. Во оваа ситуација, може да се каже дека сте генералист. Работите буквално се што и е потребно на компанијата. Верувам дека ќе бидете способни да ги задоволите сите креативни работи кои и се потребни на компанијата.

 

Фриленсер (Слободен) Графички дизајнер

Работењето како слободен графички дизајнер е најверојатно најтешката опција од сите досега набројани. Не само што треба да се справи со сите барања на клиентите, туку исто така они се директно одговорни за пронаоѓањето на нови клиенти, постојано и постојано. Буквално за да успеете на овој начин потребно е да бидете – “One Man Army”. Потребно е да имате солидни познавања и во дигиталниот маркетинг за пронаоѓање на нови клиенти или пак да бидете човек со огромен број на контакти.

Izrabotuvame se vo oblasta na Graficki dizajn, Изработуваме се во областа на Графички Дизајн

Имате потреба од Графички дизајн?

Изработуваме буквално се во областа на графичкиот дизајн. Доколку ви е потребен било каков дигитален дизајн, скица, мокап или пак дизајн за печатење, секогаш сме тука за вас. Погледнете што се изработуваме: Графички дизајн.

 

 

Графички дизајн – 15 најдобри алатки

Еволуцијата на технологијата го допре речиси секој аспект од животот на луѓето. Тоа го смени начинот на кој работиме на буквално секоја задача што ја имаме. И Графичкиот дизајн не е исклучок. Делата на уметниците кои се направени со перо, молив, мастило, четки и бои сега може идентично да се реплицираат со помош на овие 15 алатки кои ќе ги наброиме во продолжение.

Во прашање се навистина моќни алатки кои во основа се користат за креирање, уредување и управување со компјутерската графика.

Многу од овие алатки можат да се употребат во графичкиот дизајн, некои од нив можат да се користат во индустрискиот дизајн како софтвери за 3D моделирање и компјутерска графика, некои наоѓаат примена и во архитектура и инженеринг, во креирање на анимирана графика, која може да се употребува во филмови, цртани филмови, реклами итн…

15 најдобри софтвери во Графичкиот дизајн

 

1. Adobe Photoshop CC

Софтвер за уредување, едитирање и креирање на професионални фотографии и слики во областа на Графичкиот дизајн. Adobe Photoshop CC е насочен кон професионалните графички дизајнери, уметници и фотографи. Тој им овозможува на професионалците да дизајнираат цели веб-страници, постери, каталози, брошури, банери, икони, мобилни апликации и многу други работи користејќи вградени алатки кои се лесни за употреба. Навистина ќе се зачудите кога ќе дознаете што се може да се направи со овој софтвер. За фотографите, Фотошоп има алатки кои помагаат околу корегирање, подобрување и ретуширање на сликите, правејќи буквално извонредни уметнички дела од фотографиите.

Користејќи го софтверот, можете да креирате и подобрувате илустрации, 3D уметнички дела и слики. Другите клучни функции на овој софтвер се креирање на реалистични сенки, светслосни ефекти, корегирање и додавање на ефекти на одредени фотографии, ретуширање на професионални фотографии,  итн…Доколку навистина знаете како да го користите Adobe Photoshop CC, верувајте ни дека немате граница за она што би можеле да направите со него.

Adobe Photoshop CC е дел од повеќе планови, но најевтино можете да го купите за цена од 29,90 $ / месечно.

 

2. Adobe Illustrator CC

Ова е совршено решение кога станува збор за векторска графика. Adobe Illustrator CC е совршен за професионални графички дизајнери и уметници. Тој има широк спектар на алатки кои можат да помогнат при креирање на неверојатни карактери и фигури, професионални логоа, каталози, брошури, визит карти, банери, флаери, постери и се останато што е наменето за печатење. Ова е софтвер кој користи напредни математички функции и алгоритми при креирање на векторска графика, овозможувајќи им на корисниците да искреираат професионални дизајни, топографија, скици и илустрации кои се целосно подготвени за печатење и за секаква употреба.

Овој софтвер овозможува брзо креирање на различни дизајни, со помош на вградените алатки кои се релативно лесни за користење. Неговата интеграција со “Adobe Creative Cloud” го прави споделувањето на проектите помеѓу поединци навистина лесно. Кога станува збор за Илустратор, имајте во обзир дека ова е навистина професионален софтвер кој го користат илјадници дизајнери ширум светот.

Adobe Illustrator CC е дел од повеќе планови, но најевтино можете да го купите за цена од 29,99 $ / месечно.

 

3. Adobe InDesign CC

Совршено решение за креирање на списанија, брошури, каталози, книги, весници итн…Adobe InDesign CC се користи претежно во создавање и објавување на документи и за печатените и за дигиталните медиуми. Тоа е десктоп софтвер за издавање кој може да се користи за дизајнирање постери, брошури, канцелариски материјали, флаери, годишни извештаи и списанија, како и за многу други проекти кои ги немаме набројано. Можете исто така да креирате книги, интерактивни PDF-документи и дигитални списанија користејќи го овој софтвер.

Adobe InDesign CC има опции кои можат да ви помогнат околу соработка со писатели и уредници, а на овој начин можете да ги креирате проектите значително побрзо и попрофесионално. Има можност за споделување текст, бои, графики, форми итн, преку библиотеките на Adobe Creative Cloud.

Можете да гo купите Adobe InDesign CC како една апликација или дел од Adobe Creative Cloud. Неговата основна цена е 29,99 $ / месечно.

 

4. CorelDraw

Популарна платформа на графичките дизајнери. CorelDraw е богат софтвер кој ви помага да искреирате прекрасни слики, дизајни, графика од секаков вид, графички елементи за веб страници итн… Има огромен број на функционалности кои можат да ви помогнат да произлезете со прекрасно изработени слики и графики.

CorelDraw Graphic Suite 2018 е наменет за зајакнување на креативноста со користењето на сите алатки кои се наоѓаат во овој пакет. Овој пакет вклучува: CorelDraw 2018, Corel Font Manager 2018, CorelCONNECT 2018, CorelPHOTO PAINT 2018, Corel Website Creator, Corel PowerTrace 2018 и Corel CAPTURE 2018. Како што прочитавте, CorelDraw Graphic Suite нуди навистина голем број на алатки, но ќе бидеме искрени со вас, доколку се решите да ја купите било која алатка од овој пакет, или пак да го купите цел пакет, навистина би било паметно да ги споредите пакетите и алатките на Corel Draw и Adobe Creative Cloud. Ние како компанија секогаш ја завземаме страната на Adobe, но тоа не значи дека алатките на Corel нема да ги исполнат вашите очекувања.

Целосната верзија на CorelDraw чини $499.00 со гаранција за поврат на средства во рок од 30 дена доколку се предомислите. Годишниот план наменет за компании чини 16,50 $ месечно.

 

5. Adobe Dreamweaver

Adobe Dreamweaver е комплетно решение за визуелен развој на софтвер за веб страници и мобилни апликации. Оваа алатка е една од нашите фаворити на оваа листа. Ви овозможува да креирате, објавувате и управувате со веб-страниците, содржината и веб апликациите преку една контролна табла. Dreamweaver има широк спектар на функции кои можете да ги користите за да направите привлечни и респонзивни веб-страници. Овие веб-страници може да се гледаат од кој било уред и преку кој било прелистувач.

Користејќи ја оваа алатка, дизајнерите на веб-страниците можат лесно и веднаш да ги претстават своите искреирани дела или пак графички елементи на интернет, бидејќи апликацијата доаѓа со веќе припремени темплејти. Покрај тоа, може да им помогне на програмерите за брзо уредување и надградби.

Софтверот е достапен во неколку планови, почетната цена е 19,99 $ месечно.

 

6. GIMP

Ова е софтвер кој служи за креирање, уредување и едитирање на фотографии и слики. Овој софтвер е целосно бесплатен и е со отворен код. GIMP има огромен број на функции кои можат да направат навистина уметнички дела од обични фотографии. Се што треба да направите е да го научите овој софтвер и да ја ослободите вашата имагинација за креирање на неверојатни дела. Некои од неговите најдобри функции се, намалување на шум на сликата, алатки за зајакнување на сликата, огромен избор на различни четки итн…

Printani i Digitalni dizajni za vasiot biznis, Принтани и Дигитални дизајни за вашиот бизнис

Платформата подржува инсталирање на дополнителни плагини и оваа можност е навистина корисна. Нејзиниот кориснички интерфејс е многу едноставен и е лесен за користење, при што нема потреба од никаква претходна обука. Овој софтвер има огромен спектар на опции и функционалности и навистина можете да направите прекрасни дела со него, но сепак не очекувајте премногу… Сепак ова е бесплатен софтвер и не можете да го споредите со алатка како што е Adobe Photoshop.

 

7. Blender

Блендер е бесплатен 3Д-графички софтвер кој се користи за создавање на анимирани филмови, фигури, 3Д фигури за печатење, визуелни ефекти и видео игри. Блендер има “Path-tracer engine” кој им овозможува на корисниците навистина одлични и реалистични резултати од рендерирање на проектите. Овој софтвер е развиен со помош на научници, студенти, уметници, аниматори, гејмери и други заинтересирани поединци кој се на некој начин поврзани со графиката.

Blender доаѓа со одлични алатки за моделирање, кои можат да се користат за брзо креирање, уредување и трансформирање на модели и фигури. Доколку сте заинтересирани за 3Д графика, ова е софтвер кој навистина треба да го разгледате бидејќи е доста квалитетен и е целосно бесплатен.

 

8. Inkscape

Ова е графички софтвер кој има огромен број на опции и е со отворен код. Inkscape е познат по својата способност за лесно креирање на векторска графика. Има широк спектар на различни  алатки за уредување и креирање на векторски дизајни кои се многу корисни за графичките дизајнери. Овие алатки можат да се користат за едитирање и креирање на различни графички елементи, како што се форми, патеки, фигури, облици, текстови, градиент ефекти итн… Буквално можете да создавате уметнички дела со овој софтвер.

Ова графичко решение е навистина моќно и убедливо може да им парира на другите софтвери во оваа област. Проектите може да се зачуваат во SVG, EPS, JPG, BMP, PNG, PostScript или TIP формати, кои можат да се експортираат во векторски базирани формати.

Inkspace е бесплатен софтвер, така што не морате да се грижите околу плаќањето.

 

9. Affinity Photo

Може ли овој софтвер кој е алтернатива на Фотошоп да го собори Adobe од тронот?

Affinity Photo” започна со бранување кај дизајнери уште во истиот момент кога беше лансиран и е најверојатно најсериозниот конкурент на Фотошоп што сме го сретнале досега. Affinity е целосно компатибилен со форматите на Фотошоп.

Овој софтвер целосно ги исполнува барањата на сите графички дизајнери и има буквално еден тон функционалности и алатки со кои можете да креирате уметнички дела. Креаторите на овој софтвер гаранатираат поголема брзина при работа, заразлика од Фотошоп, помалку грешки и рестартирања на програмот и бесконечен број на чекори за враќање при работа. Вистината е дека перформансите кои ги ветуваат се директно поврзани со јачината на компјутерот кој го користите.

Можете да го користите на Windows и Mac. Affinity заразлика од Photoshop се плаќа еднократно и ќе ве чини 49.99 $, а тоа го прави значитело поефтин.

 

10. Krita

Бесплатно графичко решение со отворен код, Krita е дизајниран за да ги задоволи корисниците од сите области, без разлика дали тие се професионални или аматерски графички дизајнери. Платформата за скицирање и сликање може да се спореди со најпопуларните софтвери од ваков вид. Ова е непроценлива алатка за разни дизајнери кои креираат текстури, илустрации, визуелни ефекти за различни индистрии, па дури и за уметници кои креираат ефекти во филмската индустрија.

Некои од алатките вклучуваат огледало ефекти, мазнење, четки со различен притисок, вклопување и мешање на бои. Може и да се манипулира со слики со висок динамички опсег, што резултира со визуелно зачудувачки фотографии. Krita има огромен број на четки кои можете да ги користите во вашите проекти. Или пак доколку и ова не ги задоволува вашите потреби, можете сами да си искреирате сопствени четки и да си ги зачувате за некои наредни ваши проекти.

Бидејќи ова е софтвер со отворен код, доаѓа бесплатно. Се што треба да направите е да се регистрирате и веднаш ќе можете да го користите овој софтвер.

 

11. PaintShop Pro

Ова е софтвер за уредување на слики кој е лесен за употреба и има огромен број на функции кои вклучуваат цртање на слики, уредување и корекција. Ова е релативно евтин софтвер во споредба со можностите кои ги нуди. Има навистина голем број на алатки кои можете професионално да ги употребувате.

Одличниот интерфејс и брзите перформанси ви ветуваат одлична продуктивност. Алатките и опциите на платформата се прилагодливи според вашите потреби, овозможувајќи да искреирате средина која најдобро ќе ви одговара при работа.

Софтверот е достапен со почетна цена од 63,99 $.

 

12. PhotoImpact

Ова е популарен софтвер за уредување на фотографии. PhotoImpact е софтвер кој е наменет за аматери и професионалци и е навистина опремен со најсовремени алатки кои се навистина лесни за употреба и нудат огромни можности. Некои од алатките кои се издвојуваат се, ExpressFix со еден клик и напредно сечење на дадени елементи.

PhotoImpact има широк спектар на функции кои ви овозможуваат да искреирате одлична графика за секаков вид на видеа и многу повеќе. Алатките за сликање и цртање се неверојатни и ви даваат можност да ја истражите вашата креативност за да искреирате одлична графика за видео материјали.

PhotoImpact е достапен за цена од 29,99 $.

 

13. Autodesk 3ds Max

Autodesk 3ds Max е феноменална алатка која заразлика од останатите, може да се каже дека воопшто не е лесна за употреба. Овој софтвер е комплексен и зачудувачки се неговите можности. Ова е софтвер наменет за 3Д моделирање, рендерирање и анимација на ликови, објекти, карактери, средини, фигури итн, кои можат да се вметнат во секаков вид на дизајн. Можат да се вметнат во филмови, анимирани филмови, реклами, апликации, игри, архитектура итн…

Тој е дел од колекцијата на алатки за дизајнирање на Autodesk. Овој софтвер е многу популарен меѓу уметниците и професионалците кои креираат филмски и телевизиски визуелни ефекти, најразлични реалистични игри, итн…Како што напомнавме овој софтвер може да се најде во градежништвото и производствениот сектор каде што можете да креирате 3Д средини, скици, планови, реконструкции, објекти, итн…  Она што е неверојатно, е неговата способност за 3Д рендерирање  што вклучува симулација на поставување на вистинска камера.

Цената на овој софтвер е повисока од останатите на оваа листа и е достапен во различни пакети, почнувајќи од 185 $ месечно.

 

14. PaintTool SAI

PaintTool SAI е платформа за сликање и за креирање на илустрирани ликови како што се во аниме цртаните филмови. Алатките и функциите се навистина солидни и можат да им парираат на другите софтвери од оваа област. PaintTool SAI има далеку полесен и подобар интерфејс за употреба заразлика од другите. Овој софтвер може да се користи на таблет, мобилен уред и на десктоп компјутер.

Алатките за цртање на платформата ги минимизира дисторзиите на сликата дури и кога се користат слики со ниска резолуција. Има различни современи и напредни алатки кои ви овозможуваат напредно контролирање и користење на обични и напредни палети со боја, промена на нивоата на сатурација на бојата, во зависност од тоа каква сакате да биде крајната слика, напредно одстранување и репарирање на делови од дадена слика и комбинирање на повеќе слики во една.

Systemax PaintTool SAI може да се купи по цена од 47.57$ за единечна лиценца. По купувањето ви пристигнува лиценцата во форма на дигитален сертификат.

 

15. Fotor

Моќен онлајн едитор на слики, Fotor е наменет за професионални и рекреативни фотографи. Овој софтвер овозможува лесно користење на филтри, ефекти и нуди напредно уредување на слики. Фотор ви овозможува да ја максимизирате вашата креативност и да постигнете одлични резултати без да имате потреба од напредно знаење или пак од вештини во областа на графичкиот дизајн.

Со Fotor, лесно можете да ги подобрите вашите слики со корегирање на осветленоста, контрастот и сатурацијата. Исто така можете да ги сечете вашите слики, да ги изострите, ротирате, замаглите, додадете текст или да ги одстраните црвените дамки од очите од некои слики. Корисниците велат дека софтверот е прилично лесен за употреба.

Основната верзија на овој онлајн софтвер доаѓа бесплатно, додека Fotor Pro доаѓа за 8,99 $ месечно или годишна претплата по цена од 3,33 $ месечно.

Izrabotuvame se vo oblasta na Graficki dizajn, Изработуваме се во областа на Графички Дизајн

Да резимираме

Ова се 15 најдобри алатки кои дизајнерите ширум светот секојдневно ги употребуваат. Не можеме да ви кажеме кои се најдобрите на оваа листа, но можеме да ви кажеме дека наши фаворити се алатките од колекцијата Adobe Creative Cloud. Се надеваме дека ви се допадна оваа листа. Меѓу овие напредни софтвери ќе најдете некои кои нема да ви се допаѓаат, но сигурни сме и дека ќе ги пронајдете алатките кои нема да сакате да ги промените до крај на вашиот живот. 

 

Што е дигитален маркетинг?

Doznajte za pridobivkite od Digitalniot Marketing, Дознајјте за придобивките од Дигиталниот Маркетинг

Дигиталниот маркетинг ги опфаќа сите маркетинг чекори за кои се користи електронски уред или интернет. Бизнисите користат дигитални канали како што се социјалните медиуми, е-меил, нивните веб-страници итн, за да се поврзат со постојните и потенцијалните клиенти.

 

Како го дефинирате дигиталниот маркетинг?

Дигиталниот маркетинг се дефинира со употребата на бројни дигитални тактики, стратегии, алатки и канали за да се поврзете со клиентите каде што поминуваат најголем дел од своето време – онлајн. Постојат илјадници тактики и сратегии кои спаѓаат под капата на Дигиталниот Маркетинг и можат навистина да ви помогнат вам и на вашите клиенти… За секаков тип на бизнис има стратегија која може да го направи многу поуспешен.

 

SEO оптимизација

SEO ( Search Engine Optimization ) е  оптимизирање на одредена веб страница која доколку процесот се одвива успешно таа ќе биде “рангирана” повисоко на страниците со резултати на Гугл, со што се зголемува висината на органскиот сообраќај на вашиот веб-сајт. Ова претставува процес сочинет од огромен број на чекори, тактики, стратегии и постојано треба да се пратат новите трендови и ажурирања на алгоритмите од страна на Гугл.

 

Маркетинг содржина

Овој термин означува креирање и промоција на содржината со цел да се генерира поголема свест за одреден бренд, раст на сообраќај, акумулирање на лојални клиенти, привлекување на нови клиенти итн… Каналите кои играат важна улога во вашата маркетинг стратегија за содржина вклучуваат:

– Блог статии
– Е-книги
– Инфографици
– Онлајн брошури

 

Маркетинг на социјални медиуми

Оваа практика го промовира вашиот бренд и вашата содржина на  социјалните медиуми за да ја зголеми свеста за брендот, да оствари продажба и да привлече сообраќај кон вашата фејзбук и веб страница. Социјални медиуми кои можете да ги користите за промовирање на содржина:

Facebook
Twitter
LinkedIn
Instagram
Snapchat
Pinterest
Google+

 

Pay-per-Click (Плати-од-Клик)

Ова е вид на рекламирање за привлекување на поголем сообраќај кон вашата веб страница. Според овој тип на рекламирање вие всушност плаќате само тогаш кога некој ќе кликне на вашата реклама, на овој начин не се трошат залудно пари и рекламите се поефективни. Еден од најчестите типови на “Pay-per-Click” е Google AdWords. Ова е навистина огромна и комплексна платформа и не е воопшто лесна за учење, но се што се сака, се се може…Само со доволно труд. Други канали каде што можете да се рекламирате на овој метод се:

– Фејзбук  (Платени реклами)
– Твитер (Промовирани твитови)
– Линкедин (Спонзорирани пораки)

 

Афилиеит маркетинг

Ова е вид на рекламирање каде што вие рекламирате производ на некоја друга компанија на вашата веб страница. Од секоја направена продажба вие земате процент согласно договореното. Неколку канали за овој вид на рекламирање:

– Хостирање на видео реклами преку програмата “YouTube Partner Program”
– Објавување на линкот на вашите социјални медиуми.
– Објавување на линкот на вашата веб страница.

Efektivna strategija - Digitalen Marketing, Ефективна стратегија - Дигитален Маркетинг

Секоја поголема компанија нуди афилиеит програма каде што дозволуваат да ги продавате нивните продукти или услуги, а за возврат ви даваат одреден процент за остварената продажба. Ова е навистина честа појава во денешницата. Многу луѓе работат со оваа програма и некои од нив солидно заработуваат.

 

Традиционален маркетинг

Традиционалното рекламирање се однесува првенствено на содржините кои се појавуваат на платформите заедно со други неплатени содржини. Спонзорираните статии на BuzzFeed се добар пример за ваков тип на рекламирање. Многу луѓе сметаат дека рекламирањето на социјалните медиуми е основен начин на рекламирање. На пример, рекламирање на Фејсбук и Инстаграм.

 

Маркетинг автоматизација

Маркетинг автоматизација се однесува на софтверите кои служат за автоматизирање на основни маркетинг чекори. Се автоматизираат оние процеси кои постојано се повторуваат, во овој случај софтверите не заменуваат нас за ние да не ги повторуваме овие чекори постојано и постојано… Примери за маркетинг автоматизација:

– Е-меил весници
– Закажување на постови на социјални мрежи.
– Обновување на контакт листи.
– Следење на кампањи и генерирање извештаи

 

Е-меил маркетинг

Компаниите користат е-маркетинг како начин за комуникација со нивната публика. Е-меил маркетингот често се користи за промовирање на содржини, производи, услуги, како и насочување на луѓето кон веб-страницата на компанијата. Видови на Е-маркетинг кои можете да ги креирате.


– Претплаќање на Е-весници
– Последователни пораки до посетителите кои превземале некој податок од вашата веб страница
– Е-меил за да им посакате добредојде на клиентите
– Посебни празнични промоции до членовите кои ви се лојални
– Корисни совети за да ги негувате вашите постојани клиенти

 

Функција на Дигитален Маркетер

Дигиталните маркетери се одговорни за подобрување на свеста на брендот и генерирање на клиенти преку сите дигитални канали. Овие канали ги вклучуваат социјалните медиуми, веб-страницата на компанијата, рангот на резултатите од пребарувањето, е-меил, различни видови на рекламирање и блог на компанијата.

Дигиталните маркетери обично се фокусираат на различни индикатори за мерење на перформанси (KPI). За секој дигитален канал има различни индикатори кои Дигиталените маркетери треба да знаат да ги следат и анализираат. Врз основа на измерените резултати тие веднаш треба да знаат како да ги подобрат резултатите за нареден пат. Дигиталните маркетери исто така се задолжени за носење на сообраќај на веб страницата на компанијата и нивна должност е да направат стратегија за да ги убедат потенцијалните клиенти да ги купат производите или услугите на компанијата.

Дигиталниот маркетинг се спроведува низ многу маркетинг улоги. Во малите компании еден генералист би можел да спроведува голем број на  дигитални маркетинг тактики и стратегии во исто време. Во поголемите компании постојат специјалисти за повеќе гранки во дигиталниот маркетинг. На тој начин секој си се фокусира во својата област и поефективно се извршува целовкупната работата.

Неколку специјалисти:

SEO менаџер

На кратко, како SEO менаџер имате должност да ја рангирате вашата компанија на највисокото место на пребарувачите. Користејќи различни пристапи и методи за оптимизација, оваа личност треба директно да работи со креаторите на содржини за да се осигура дека содржината што ја креираат ги исполнува критериумите кои се потребни за највисок ранг на веб пребарувачите.

Специјалист за маркетинг содржина

Специјалисти во оваа област се оние кои знаат да пишуваат одлична содржина притоа истата да биде SEO оптимизирана. Квалитетна содржина која е оптимизирана и на мудар и суптилен начин ги нуди услугите на компанијата може навистина многу да ја зголеми продажбата. Овие професионалци често соработуваат со други оделенија во компанијата за да искреирааат квалитетни статии за услугите и производите на компанијата.

Менаџер на социјални медиуми

Улогата на менаџер на социјални медиуми е лесно да се разбере читајќи го само името. Социјалните мрежи кои тие ги раководат зависи од областа на компанијата. Пред сè, менаџерите на социјалните медиуми креираат распоред за објавување на содржината која ја креираат специјалистите за маркетинг содржина, потоа ја оптимизираат за да изгледа одлично за на социјалните мрежи кои ги раководат. Менаџерот на социјалните медиуми е во постојана соработка со Специјалистот за маркетинг содржина за да искреираат стратегија околу објавувањето на содржините на социјалните медиуми.

 

Придобивки од дигиталниот маркетинг

За разлика од офлајн маркетингот, дигиталниот маркетинг им овозможува на маркетерите да ги гледаат постигнатите резултати во реално време. Доколку некогаш сте работеле во весник, ќе знаете колку е тешко да се процени колку луѓе всушност ја превртеле страницата каде што се наоѓа вашата реклама, а пак сигурно нема да знаете колку време се задржале токму на таа страница.  Не можете со сигурност да знаете дали таа реклама е одговорна за остварените продажби тој месец.

Од друга страна, преку дигиталниот маркетинг можете точно да ги измерите придобивките, заработката и трошоците во кампањата која ја водите.

 

Сообраќај на веб страница

Преку дигиталниот маркетинг можете да го видите точниот број на луѓе кои ја прегледале почетната страница на вашиот веб-сајт во реално време или во даден временски период. Се што треба да направите е правилно да го сетирате Google Analytics. Можете да измерите: Bounce rate, Sessions, Page views, Time on page, Page load time, Average session duration итн… Можете да видите каков уред користеле и од кој регион доаѓаат вашите посетители.

Овие интелегентни алатки ви помагаат да разберете кои од нив ви носат најдобри резултати и на кои треба да потрошите повеќе време во иднина. На пример, доколку само 10% од сообраќајот ви доаѓа од органско пребарување тогаш ќе знаете дека треба да ја подобрите вашата SEO стратегија.

 

Колку време е потребно за да видиме резултати од нашата содржина?

Со дигиталниот маркетинг можете да ги видите резултатите многу побрзо заразлика од офлајн маркетингот.  Сепак на крајот се се сведува на вашата стратегија и успешноста на истата.

Доколку потрошите време и ресурси за да привлечете потенцијални клиенти, за да ги анализирате нивните потреби, а потоа да креирате содржина врз основа на нивните потреби, тогаш најверојатно ќе видите огромни резултати во првите 6 месеци.

Ако платеното рекламирање е дел од вашата дигитална стратегија, тогаш резултатите се уште побрзи – но ние препорачувамее да се фокусирате на градење на вашиот органски досег преку креирање на квалитетна и оптимизирана содржина и креирање на оптимизирани објави на вашите социјални медиуми. Овој тип на стратегија е најдобар и најодржлив.

 

Дали ми е потребен голем буџет за дигитален маркетинг?

И да и не. Се зависи од стратегијата која сакате да ја имплементирате. Има огромен број на бесплатни и на платени алатки кои би можеле да ги употребувате. Со техники како онлајн рекламирање и купување е-меил листи, несомнено ќе ви се зголемат вашите трошоци.

Доколку се фокусирате на техники како SEO оптимизација, социјални медиуми и креирање квалитетни содржини на веќе постоечка веб-страница, добрата вест е дека немате потреба од голем буџет. Со овој тип на маркетинг вие всушност внимателно креирате маркетинг содржина за вашата целна група, а верувајте ни дека клиентите знаат да препознаат квалитетен извор на информации и услуги.

На пример, преку PPC стратегија со користење на Google AdWords, ќе се борите со другите компании во вашата област околу првите 3 места на Гугл. Во зависност од конкурентноста на клучните зборови кои ви се потребни, овој вид на рекламирање може да биде евтин или екстремно скап. Затоа е секогаш добра идеа да се фокусирате на квалитетна SEO стратегија која ќе ве чини значително помалку заразлика од платениот маркетинг.

SEO стратегија - Дигитален Маркетинг, Seo Strategija - Digitalen Marketing

Да сумираме

Доколку се одлучите да се обидете во оваа област, да го зајакнете вашиот бизнис преку платен маркетинг или SEO стратегија, ви препорачуваме да ги погледнете и останатите  содржини на нашиот блог, каде што ќе можете да најдете еден тон податоци за тоа како да го подобрите вашиот бизнис.

 

БЕСПЛАТНО

Со секое нарачување на нова Веб Страница нудиме БЕСПЛАТЕН хостинг план и домен. Промоцијата трае до крајот на јануари 2021 година.